Ушбу рукнимиздаги энг сўнгги янгиликлар билан таништиришда давом этамиз.

“Бавария” “Барселона”га рад жавобини берди

Мюнҳеннинг “Бавария” клуби Кингсли Команни “Барселона”га сотишдан бош тортди.

Бу ҳақида таниқли “Bild” нашри маълум қилмоқда. Манба берган хабарларга қараганда, Каталония клуби Лаутарони қўлга киритишни уддалай олмаса, унинг алтернатив вариянти сифатида Команни танлаган эди.

Манба берган хабарларга қараганда, “Бавария” франциялик футболчининг интизомсизлиги ва жароҳатга мойиллигига қарамай ҳеч кимга сотмасликка қарор қилган.

Пикега ўринбосар изланмоқда

“Каталониянинг “Барселона” жамоаси Жераж Пикенинг ўрнини босишга қодир футболчи излашни бошлади”,-деб хабар бермоқда “LeGazzetaDellaSport” нашри.

Манбада ёзилишича, испан клуби нишонида “Латцио” марказий ҳимоячиси Луис Филепе турибди. Каталония клуби бразилиялик ҳимоячини қўлга киритиш учн Рим клубига 30 миллион евро тўлашга тайёр.

Рим жамоаси ўз ҳимоячисини 40 миллион евродан камига қўйиб юбормоқчи эмас. Воқеялар ривожини кузатишда давом этамиз.

“Интер” Лаутарони ким билан алмаштирмоқчи?

Миланнинг “Интер” клуби жамоани ёзда Лаутаро Мартинес тарк этса, уни ўрнини “Манчестер Юнайтед” футболчиси билан тўлдирмоқчи.

“LeGazzetaDellaSport” нашри берган хабарларга қараганда, жамоа нишонида Антони Марсиял турибди. Шундай бўлсада, франциялик ҳужумчини қўлга киритиш осон бўлмаслиги аниқ.

“Манчестер Юнайтед” ҳужумчини қўйиб юбормоқчи эмас, бироқ “Интер” Лаутарони сотса, катта сумма эвазига бўлсада ҳужумчини Миланга кўчириб олиб келиши мумкин.

“Арсенал” футболчисидан қутилмоқчи

Англиянинг “Арсенал” жамоаси ўз футболчиси Сократис Папастатопулусни сотиб юборишга қарор қилди.

“Le Gazzeta Della Sport” нашри берган хабарларга қараганда, гретциялик ҳимоячининг ҳизматлари билан Римнинг “Рома” клуби жиддий қизиқиб қолган. Шунингдек, “Женоа” ва “Милан” ҳам “тўпчилар” ҳимоячини қўлга киритмоқчи.

Эслатиб ўтамиз, Сократиснинг “Арсенал” билан тузган шартномаси 2021-йилда ўз якунига етади?

“Ливерпуль” Брозович билан алоқага чиқди

Таниқли “Daily Exspress” нашри берган хабарларга қараганда, “Ливерпуль” жамоаси “Интер” ярим ҳимоячиси Марсело Брозовични трансфер ҳуқиқини қўлга киритмоқчи.

Манба берган хабарларга қараганда, “Ливерпуль” Брозовични ёзда клубни тарк этиши мумкин бўлган Жеймс Милнерни ўрнини тўлдиришини режалаштирмоқда.

Эслатиб ўтамиз, хорватиялик футболчиси “А Серия”нинг 23 та учрашувида майдонга тушди ва 3 та гол ва 5 та ассистни амалга оширди.