«Монако» ярим ҳимоячиси Сеск Фабрегас маълумот тарқатишича, унинг 95 ёшли бувиси коронавирусга топширган тест ижобий натижа берган.

«Бувим 95 ёшда. Афсуски, у коронавирусга чалинибди. Сўнгги пайтда унинг уйига кўп меҳмонлар келган эди, аммо уларда вирус йўқ эди. Биз уларни меҳмонхонага ўтказмоқчи эдик. Уларни яна бир марта коронавирусга текширдик. Уларнинг 70-80 фоизида инфекция аниқланди. Жумладан, менинг бувимда ҳам.

Пайшанба куни видеоқўнғироқ орқали гаплашганимизда унинг кўриниши яхши эди, яхши кайфиятда эди. Энг ёмони, ҳозир унинг ёнида бўла олмаймиз, уни қуча олмаймиз. У соғайиб кетишига умид қиламан. Аммо унга қийин бўлишини биламиз», — дея маълумот тарқатди Фабрегас ўзининг Твиттердаги саҳифаси орқали.

Ҳозирда 32 ёшли футболчи ўз аёли ва 3 нафар фарзанди билан Францияда ўзини яккалаш ҳаёт тарзини ўтамоқда. Шу кунларда Фабрегас Каталониядаги ўзи туғилиб ўсган Ареньс-де-Мар шаҳри ҳокими ва қариялар уйи директори билан гаплашиб, ёши кекса инсонларни меҳмонхонага кўчириш кераклигини ва бунинг учун тўловларни тўлаб беришини айтган эди.