«Monako» yarim himoyachisi Sesk Fabregas ma’lumot tarqatishicha, uning 95 yoshli buvisi koronavirusga topshirgan test ijobiy natija bergan.

«Buvim 95 yoshda. Afsuski, u koronavirusga chalinibdi. So‘nggi paytda uning uyiga ko‘p mehmonlar kelgan edi, ammo ularda virus yo‘q edi. Biz ularni mehmonxonaga o‘tkazmoqchi edik. Ularni yana bir marta koronavirusga tekshirdik. Ularning 70-80 foizida infeksiya aniqlandi. Jumladan, mening buvimda ham.

Payshanba kuni videoqo‘ng‘iroq orqali gaplashganimizda uning ko‘rinishi yaxshi edi, yaxshi kayfiyatda edi. Eng yomoni, hozir uning yonida bo‘la olmaymiz, uni qucha olmaymiz. U sog‘ayib ketishiga umid qilaman. Ammo unga qiyin bo‘lishini bilamiz», — deya ma’lumot tarqatdi Fabregas o‘zining Tvitterdagi sahifasi orqali.

Hozirda 32 yoshli futbolchi o‘z ayoli va 3 nafar farzandi bilan Fransiyada o‘zini yakkalash hayot tarzini o‘tamoqda. Shu kunlarda Fabregas Kataloniyadagi o‘zi tug‘ilib o‘sgan Arens-de-Mar shahri hokimi va qariyalar uyi direktori bilan gaplashib, yoshi keksa insonlarni mehmonxonaga ko‘chirish kerakligini va buning uchun to‘lovlarni to‘lab berishini aytgan edi.