"Барселона" бош мураббийи Кике Сетьен ҳар қандай шартлар асосида "Барселона"ни бошқаришга тайёр бўлганини айтиб ўтди.

"Умид қиламиз, вақти келиб Хави "Барселона"ни бошқаради. У буни эплай олади. Мен унинг ўйинларидан ҳайратланганман. Агар унга жой бўшатиш учун клубдан кетишимга тўғри келса, муаммосиз буни бажара оламан. Мураббийлик тақдири шундан иборат.

Мен Миср терма жамоасини бошқариш учун йўл олмоқчи эдим. Аммо менга "Барселона"дан қўнғироқ қилиб қолишди. Мен "Барселона"ни деярли бепул бошқаришга тайёр эдим. Текин эмасу, ҳар қандай шартга рози бўлган бўлардим", – деди Сетьен.

Маълумот ўрнида. 61 ёшли мутахассис ушбу йилнинг 13 январь куни "Барселона" бош мураббийи этиб тайинланди. Испания чемпионатининг 27-туридан кейин жамоа "Реал"ни 2 очкога ортда қолдирган ҳолда жадвалда пешқадамлик қилмоқда.