"Барселона" спорт директори Эрик Абидаль Францияда иш бошлаши мумкин. Бу ҳақда "RMC Sport" хабар тарқатди.
Манбага кўра, Абидаль "Лион"да ҳам спорт директорига айланиши мумкин. Уни француз жамоасининг ҳозирги спорт директори Жуниньо таклиф қилмоқда.
Хабарларга кўра, Абидалнинг "Барселона"дан кетишига Месси билан юзага келган можаро сабаб бўлиши мумкин.
Эслатиб ўтамиз, Абидаль қишда собиқ мураббий Вальверде қўл остида айрим футболчилар ўз имкониятларини тўлиқ намойиш эта олмадилар, дея фикр билдирганди. Месси эса Абидалнинг фикрига қарши чиқиб, уни инкор этганди.
