"Barselona" sport direktori Erik Abidal Fransiyada ish boshlashi mumkin. Bu haqda "RMC Sport" xabar tarqatdi.
Manbaga ko‘ra, Abidal "Lion"da ham sport direktoriga aylanishi mumkin. Uni fransuz jamoasining hozirgi sport direktori Juninyo taklif qilmoqda.
Xabarlarga ko‘ra, Abidalning "Barselona"dan ketishiga Messi bilan yuzaga kelgan mojaro sabab bo‘lishi mumkin.
Eslatib o‘tamiz, Abidal qishda sobiq murabbiy Valverde qo‘l ostida ayrim futbolchilar o‘z imkoniyatlarini to‘liq namoyish eta olmadilar, deya fikr bildirgandi. Messi esa Abidalning fikriga qarshi chiqib, uni inkor etgandi.