Sport1 нашрининг ёзишича, “Бавария” ёзги трансфер вақтида ўнг қанот ҳимоячиси харид қилмоқчи. Мюнхэнликлар “Шахтёр” футболчиси Додога қизиқиш билдирмоқда.
Аввалроқ, “Бавария” “Реал”дан Альваро Одриосолани ижарага олган эди, бироқ испаниялик мюнхэнликлар ўйинига қовушиб кета олмади. Шунингдек, “Бавария” “Боруссия” сафида ижарада ўйнаётган “Реал”нинг яна бир ҳимоячиси Ашраф Хакими вариантини ҳам кўриб чиқмоқда.
Эслатиб ўтамиз, Додо 2018 йилдан буён “Шахтёр” сафида ўйнаб келмоқда. Биринчи мавсумни у “Витория”да ижарада ўтказган эди.
