Лондоннинг «Тоттенхэм» клуби футболчиси Райан Сессеньон жамоа бош мураббийи Жозе Моуриньога юқори баҳо берди.
«Ёш футболчи сифатида айнан мана шундай мураббий қўл остида ўйнашни хоҳлагандим. Моуриньо аллақачон ўз ҳаётида кўплаб воқеаларни кўрган ва у сизга қандай хатолардан қочиш кераклигини айтиб бера олади. Бу кучли бўлишингга ёрдам беради.
Жозе янги мавсумда жамоа билан мутлақо бошқа даражага чиқишни мақсад қилган. Ўйлайманки, бизда АПЛнинг дастлабки уч ўринларидан бирини қўлга киритиш имкониятимиз бор. Биз кучли жамоамиз ва етакчи футболчиларимиз жамоани тарк этмаса, келаси мавсум янада кучли бўламиз. Жозе Моуриньо биз билан АПЛни ютишга тайёргарлик кўрмоқда», — деди Райан Сессеньон.
