Londonning «Tottenxem» klubi futbolchisi Rayan Sessenyon jamoa bosh murabbiyi Joze Mourinyoga yuqori baho berdi.
«Yosh futbolchi sifatida aynan mana shunday murabbiy qo‘l ostida o‘ynashni xohlagandim. Mourinyo allaqachon o‘z hayotida ko‘plab voqealarni ko‘rgan va u sizga qanday xatolardan qochish kerakligini aytib bera oladi. Bu kuchli bo‘lishingga yordam beradi.
Joze yangi mavsumda jamoa bilan mutlaqo boshqa darajaga chiqishni maqsad qilgan. O‘ylaymanki, bizda APLning dastlabki uch o‘rinlaridan birini qo‘lga kiritish imkoniyatimiz bor. Biz kuchli jamoamiz va yetakchi futbolchilarimiz jamoani tark etmasa, kelasi mavsum yanada kuchli bo‘lamiz. Joze Mourinyo biz bilan APLni yutishga tayyorgarlik ko‘rmoqda», — dedi Rayan Sessenyon.
