Италиянинг «Интер» клуби собиқ ҳимоячиси Марко Матерацци Златан Ибрагимовични буюк футболчиларнинг бири деб ҳисобламаслигини айтиб ўтди.
Марко Матерацци карантин даврида ўз мухлисларининг саволларига жавоб беришга қарор қилди. Ундан "Милан" клуби ҳужумчиси Златан Ибрагимович билан муносаталари ҳақида сўрашди. Қайд этиш жоизки, Матерацци ва Ибрагимовичлар орасида бироз тушунмовчиликлар бўлган.
«Билмадим, нима учун унга ёқмаслигимни. Менда у билан муаммо йўқ. У – ажойиб футболчи, ажойиб футболчилик фаолиятига эга, лекин у элит даражасида эмас. Мен уни буюк футболчи деб ҳисобламайман. Златан буюк футболчилар рўйхатига кирмайди.
Биламан, у менинг жавобимдан ғазабланади, лекин мен ўз фикрим қоламан. Унинг чиройли голлари, айниқса, Англия терма жамоаси дарвозасига киритган машҳур голи учун миннатдорман», — деди Матерацци.
