Италия чемпионати клублари ушбу мавсумнинг энг кеч бошланиш муддатини белгилаб олишди.

Аввалроқ Италия бош вазири Жузеппе Конте 4 май кунидан бошлаб карантин чоралари юмшатилишини, 18 майдан бошлаб эса жамоалар машғулотларни бошлашлари мумкинлиги ҳақида айтиб ўтган эди.

ANSA агентлиги тарқатган хабарга кўра, агар 14 июнь санасига мавсум қайта бошланмаса, А серия муддатидан олдин якунланган деб эълон қилинади.

Маълумот ўрнида, Италиянинг 12та клуби мавсумни охиригача ўйнаш тарафдори бўлса, 8та клуб — «Торино», «Сампдория», «Фиорентина», «Удинезе», «Парма», СПАЛ, «Брешия» ва «Болонья» мавсумни бекор қилишни истамоқда.