«Барселона» клуби собиқ ҳужумчиси Самуэль Это’О каталонияликлар сардори Лионель Месси ҳақида ўз фикрини билдириб ўтди.

«Дастлаб у асосий ва ўринбосарлар жамоаларида ўйнаб юрди. Месси келажакда қандай ўйинчига айланишини биз ўшандаёқ билган эдик. У оғир меҳнат эвазига бунга эришди. У мутлақо ўзгармаган. У ҳамон ўша-ўша — мен билган яхши инсон.

Яқинда у менга раҳмат айтди. Чунки, у менинг маслаҳатимга амал қилиб, унинг фаолияти ўзгарди. Шу билан биргаликда, у баъзи нарсаларни ўзгартириши керак эди, аммо доимо иқтидор эгаси бўлган.

У эришган натижаларни забт этиш жуда қийин бўлади. Мен учун энг муҳими — унинг характери. Ҳамма уни қадрлайди ва яхши кўради. У ажойиб йигит. Мен унинг дўсти эканимдан фахрланаман», — деди Это’О.