29 апрель жаҳон футболида катта кун ҳисобланади. 1933 йили Англия кубоги финалида "Эвертон" "МанСити" билан ўйнаган ва 3:0 ҳисобида ғалаба қозонган. Йўқ, йўқ, бу натижа билан қолмаган тарихда. Балки икки жамоа вакиллари илк бора майдонга либосларига рақам ёзиб тушишгани билан. "Эвертон" 1дан 11 гача тартиб билан ёздирган бўлса, манчестерликлар дарвозабони 22-рақамда ва пастга қараб, 12-рақамгача кетган.

Шунингдек, 2014 йили ЕЧЛ доирасида ўнйилликнинг энг зўр ўйинларидан бири бўлиб ўтган. Биринчи учрашувда Сантягода 1:0 ҳисобида енгган “Реал” “Бавария” уйига қўрқув билан борганди. Бироқ, учрашувнинг аввалида Серхио Рамоснинг бир хил услубда Нойер дарвозасини ишғол этиши финал масаласини бошиданоқ ҳал қилиб қўйган. Охирида таблода 0:4 ҳисоби порлаб турарди. Бир йил олдинги фурор кўтарган "Бавария"нинг ўзи ҳам испанларга шу ҳисобда енгилмоқда. "Барса" аламини Мадрид олиб бермоқда ва ўн икки йиллик танаффусдан сўнг финалга йўл олмоқда. "Реал" финалга чиқди, дегани, кубокни боши узра кўтарди, дегани. Шундан сўнг катта тарих ёзилиши бошланди.