Универсал жанг бўйича жаҳон чемпиони Ҳабиб Нурмагомедов Доғистон халқига мурожаат йўллади.

"Ушбу муқаддас ойда мен барча доғистонликларга ва мени таниганларга мурожаат қилмоқчиман. Кўпчилик, муаммолар бизга етиб келмайди, деб умид қилишди, аммо кўплар ҳали ҳам вазият жиддийлигига ишонмаяпти.

Аммо биз шифокорларнинг тавсиялари ва кўрсатмаларига бепарволик билан қараганимиз одамлар орасида ваҳима қўзғатган ҳолда, касалликнинг юқори даражада тарқалишига олиб келди, ҳар куни вазият оғирлашиб боришига олиб келди ва бу бизнинг касалхоналаримиз бугунги кунда беморлар билан гавжум бўлишига, мутахассислар ва дори-дармонлар етарли эмаслигига ва беморларнинг сони кўпайишига олиб келди. Беморлар сони фақат ўсмоқда.

Менга ишонинг. Касаллик ўлим даражасида жуда хавфлидир ва буни аллақачон ўзимизда сезмоқдамиз. Уйда қолиб, биз шифокорлар ва шифохоналарга ортиқча юк бўлмай, уларни камайтиришимиз лозим, эҳтимол, ўз вақтида кўрсатган ёрдамимиз кимнингдур ҳаётини сақлаб қолишига ёрдам беради. Яқинларингизга ғамхўрлик қилинг, уларни кераксиз равишда уйдан чиқарманг.

Аллоҳ ҳаммамизни барча касалликлардан сақласин, бутун дунёдаги барча беморлар ва яқинларимизга шифо берсин" - деди Ҳабиб.