Каталониянинг "Барселона" клуби ва жамоа дарвозабони Марк-Андре тер Штеген ўртасидаги шартнома узайтириш борасидаги музокара муваффақиятли кечмаяпти.

Marca нашрининг тарқатган маълумотига қараганда, дарвозабони "Барселона" клубидан йилига 18 миллион евро маош талаб қилмоқда.

Манбанинг ёзишича, "Барселона" раҳбарияти Тер Штегенни ўз сафида олиб қолмоқчи, лекин унинг талаб қилаётган маошини тўламоқчи эмас. Шу сабабли, клуб раҳбарияти унинг ўрнига бошқа дарвозабон излаш ишларини бошлаб юборди.

Тер Штегеннинг "Барселона" билан амалдаги шартномаси 2022 йилнинг ёзигача амал қилади.