Kataloniyaning "Barselona" klubi va jamoa darvozaboni Mark-Andre ter Shtegen o‘rtasidagi shartnoma uzaytirish borasidagi muzokara muvaffaqiyatli kechmayapti.
Marca nashrining tarqatgan ma’lumotiga qaraganda, darvozaboni "Barselona" klubidan yiliga 18 million yevro maosh talab qilmoqda.
Manbaning yozishicha, "Barselona" rahbariyati Ter Shtegenni o‘z safida olib qolmoqchi, lekin uning talab qilayotgan maoshini to‘lamoqchi emas. Shu sababli, klub rahbariyati uning o‘rniga boshqa darvozabon izlash ishlarini boshlab yubordi.
Ter Shtegenning "Barselona" bilan amaldagi shartnomasi 2022 yilning yozigacha amal qiladi.
