Англиянинг «Манчестер Юнайтед» клуби жамоани тарк этиши кутилаётган Пол Погбанинг ўрнига футболчи излаш ишларини тўхтатмаяпти.

Ҳозирги кунда, "қизил иблислар" раҳбарияти Лондоннинг «Вест Хэм» клуби ярим ҳимоячиси Деклан Райс вариантини кўриб чиқишмоқда.

«МЮ» раҳбарияти ва жамоа мураббийлар штаби Райсни Погбага муносиб ўринбосар сифатида кўришмоқда. Деклан учун курашда «манкунианлар» Лондоннинг «Челси» ва «Тоттенхэм» клублари билан баҳ олиб боришига тўғри келади.

Қайд этиш керакки, «Вест Хэм» ўз футболчисининг трансферидан 60 миллион евро ишлаб олмоқчи, ўз навбатида ушбу сумма «Манчестер Юнайтед»ни тўлақонли равишда қониқтиради.