Испаниянинг «Атлетик» ва «Реал Сосьедад» клублари Испания Кубогининг 2019/2020 йилдаги финал ўйини мухлислар стадионга ташриф буюришлари учун рухсат берилмагунча кечиктиришни сўради. Бу ҳақда икки клубнинг қўшма баёнотида айтилган.
Испания Кубоги финал ўйини «Атлетик» ва «Реал Сосьедад» клублари ўртасида 2020 йилнинг 18 апрел куни Севилья шаҳрида ўтказилиши керак эди, коронавирус пандемияси сабабли, ушбу баҳс ҳам номаълум муддатга қолдирилганди.
«Атлетик» ва «Реал Сосьедад» клубларининг мурожаатлари 8 май куни Испания футбол федерациянинг йиғилишида кўриб чиқилади.
