Англиянинг "Манчестер Юнайтед" клуби собиқ ҳимоячиси Патрис Эвра сэр Алекс Фергюсоннинг "манкунианлар" бош мураббийи лавозимидан кетиш ҳақидаги хотиралари билан ўртоқлашди.
"Ўз спорт қароргоҳимизга ташриф буюрганимизда, атрофимиз тўла камералар эди. Футболчиларнинг бирига нимадир бўлди деб ўйладим. Бизга раҳбаримиз бир нарсани айтишни хоҳлаётганини ва бу яхши янгилик бўлмаслигини айтишди.
Фергюсон олдимизга келиб, кетаётганлигини айтди: "Хотинимга керак бўлаётганим учун нафақага чиқяпман"-деди. У ван Перси ва Кагавалардан узр сўради, чунки, улар жамоага энди олиб келинган эди", - деди Эвра Daily Mail билан суҳбатда.
Фергюсон "Манчестер Юнайтед" клубини 1986 йилдан 2013 йилгача бошқарди. Жамоа унинг қўл остида 38 та совринни қўлга киритди. Уларнинг 13 таси Англия чемпионлиги ва иккитаси ЕЧЛ ғолиблиги.
