Ярим ҳимоячи Поль Погба 2016 йилда "Манчестер Юнайтед" сафига қўшилиб, "қизил иблислар" тарихидаги энг қиммат футболчига айланди.
Франциялик футболчи клуб сафида узоқ вақт қолишни мақсад қилганди шекилли, у Манчестер шаҳрида ижарага уй олиб ўтирмасдан, дарҳол мулк сотиб олишга қарор қилганди. У "МЮ"нинг собиқ ҳужумчиси Хавьер "Чичарито" Эрнандесга тегишли хонадонни сотиб олишга қарор қилди. Мексикалик футболчи нархи 3,5 миллион фунт турадиган ҳовлини Погбага 600 минг арзонига сотди.
Уйда 5та ётоқхона, бассейн, бильярд столи жойлашган хона, сауна ва бир қатор қулайликлар мавжуд. Данғиллама ҳовли "Юнайтед"нинг базасидан 20 дақиқалик масофада жойлашган.
