Каталониянинг "Барселона" клуби "Интер" клуби ҳужумчиси Лаутара Мартинесни қўлга киритиш ишларини олиб бормоқда. "Кўк-анорранглилар" 22 ёшли аргентиналик футболчига асосий таркибдан жой кафолашаётганини маълум қилишди, дея хабар бермоқда Sport.es.
Манбанинг ёзишига қараганда, Лаутаро Мартинес "Барселона"нинг трансфер бозоридаги асосий мақсади бўлиб турибди, ҳатто Луис Суарес жамоада қоладиган бўлса ҳам. Тахминларга кўра, "Барселона" иккита марказий ҳужумчи билан ўйнамоқчи ёки Луис Суаресни заҳирада олиб қолмоқчи.
Аввалроқ, Лаутаро "Барселона" билан шахсий шартнома борасида келишувга эришгани ҳақида хабарлар тарқалганди. Айни пайтда "кўк-анорранглилар" ўз футболчиси учун 111 миллион евро талаб қилаётган "Интер" билан тил топишишга ҳаракат қилмоқда.
