Жейми Гарига нима учун "Манчестер Юнайтед" Фергюсон кетганидан кейин бирор марта ҳам АПЛ ғолиблигини қўлга кирита олмагани ҳақида савол берди
Англиянинг "Ливерпуль" клуби собиқ ҳимоячиси Жейми Каррагер ва "МЮ"нинг собиқ сардори Гари Невиллар айни пайтда Sky Sports телевидениесида фаолият олиб боришади.
Афсонавий футболчилар ўз клубларининг туб қарама-қаршилиги туфайли, кўпинча жонли эфирда кескин баҳслашишади. Бу сафар экспертлар "Манчестер Юнайтед"нинг орқага қараб кетганини муҳокама қилишди.
"Сизнингча, "МЮ"нинг таназзулига сабаб энди Фергюсон ҳакамларга босим ўтказмаётганиданми? Мен жиддий гапиряпман", - деб гап бошлади Жейми.
"Сен айтаётган нарсалар - туҳмат. Сенинг фикрингча, "МЮ" ҳакамларни қўрқитиб АПЛ ғолиблигини қўлга киритганми", - деб жавоб қайтарди Невилл.
"Агар сизларда энди ҳакамларни қўрқитадиган мураббийингиз йўқлиги учун, биринчи ўриндан етти ёки саккизинчи ўринга тушиб кетишни қандай тушунтириб берасан?", - деб яна савол берди Каррагер.
Продюсерлар ўртага тушиб, икки собиқ футболчиларни огоҳлантиришди, чунки, бундай баҳслар компания обрўсига путур етказиб қўяди.
