"Манчестер Юнайтед" устози Уле-Гуннар Сульшер АПЛнинг ушбу мавсуми икки ойлик карантиндан сўнг қайта тиклангач, агар футболчилари руҳий жиҳатдан тайёр бўлмаса, майдонга туширмаслигини айтди.
"Бу ҳолда мен уларга эътироз билдира олмайман. Агар футболчилар руҳий жиҳатдан тайёр бўлмаса, уларни ҳеч нарсага мажбурламайман. Футболчилар хотиржамликни бироз йўқотишган, аммо биз шифокорларга ишонамиз.
Футбол ҳар доим мухлислар билан, у шундай атмосфера билан қизиқ. Аммо ҳозир кутилмаган ҳолат бўляпти. Асосийси футболнинг қайтиши ва биз энг тўғри қарор чиқарилишига ишонамиз", —деди Сульшер.
