"Manchester Yunayted" ustozi Ule-Gunnar Sulsher APLning ushbu mavsumi ikki oylik karantindan so‘ng qayta tiklangach, agar futbolchilari ruhiy jihatdan tayyor bo‘lmasa, maydonga tushirmasligini aytdi.
"Bu holda men ularga e’tiroz bildira olmayman. Agar futbolchilar ruhiy jihatdan tayyor bo‘lmasa, ularni hech narsaga majburlamayman. Futbolchilar xotirjamlikni biroz yo‘qotishgan, ammo biz shifokorlarga ishonamiz.
Futbol har doim muxlislar bilan, u shunday atmosfera bilan qiziq. Ammo hozir kutilmagan holat bo‘lyapti. Asosiysi futbolning qaytishi va biz eng to‘g‘ri qaror chiqarilishiga ishonamiz", —dedi Sulsher.
