Бельгиялик ҳужумчи Кристиан Бентеке 2015 йили «Ливерпуль» клубига ўтганидан афсусда эканлигини яширмади.
Бентеке «қизиллар» таркибида 42 та учрашувда майдонга тушган. Уни "Ливерпуль" 32,5 миллион еврога сотиб олган ва шу йўл орқали жамоани тарк этган Луис Суареснинг ўрнини ёпмоқчи бўлган. Бироқ, Бентеке билдирилган ишончни оқлай олмади ва шу сабабли, "қизиллар" раҳбарияти уни «Кристал Пэлас» клубига сотиб юборишга қарор қилди.
«Бу омадсиз ўтиш бўлганди. Эҳтимол, менга кўпроқ имкон берилганида «Ливерпул»да ўзимнинг яхши томонларимни кўрсатган бўлармидим, лекин нима бўлганда ҳам умидлар чиппакка чиққанди», — деди Бентеке.
