Испаниялик мураббий Унаи Эмери Лондоннинг «Арсенал» клубидан ҳайдалганидан бери ўзига иш топа олмай юрибди.
Унаи Эмери Испанияда ишлашга қарши эмаслигини тан олди. У исталган жамоа бошқарувини ўз қўлига олишга тайёр эканлигини ва буни мухлислар тўғри тушунишлари кераклигини айтди.
«Менинг юрагим доим «Реал Сосьедад»да, чунки, мен у ерда 10 йил фаолият олиб бордим, лекин, агар мени «Атлетик» ишга таклиф қиладиган бўлса, у ҳолда бу таклифни кўриб чиқишга тайёрман. Бошқа жамоаларнинг рақибларида муаммолар йўқ. Мен «Валенсия»да ишлаганман, лекин «Леванте»ни бошқаришга тайёрман. «Севилья»ни бошқарганман, бироқ «Бетис» таклиф билдирса рад этмайман. Мен профессионал бўлиб қоламан», – деди Эмери.
