Италия терма жамоаси ва Мадриднинг "Реал" клуби собиқ ҳимоячиси Фабио Каннаваро Франция терма жамоаси собиқ футболчиси ва ҳозирда Мадриднинг "Реал" клубини бошқараётган Зинедин Зиданни 2006 йилги Жаҳон чемпионати финалида олган қизил карточкаси учун танқид қилди.
"Мен Зиданни ва унинг фаолиятини ҳурмат қиламан, лекин у ўша баҳсда жуда ҳам қўпол хатога йўл қўйган. У фаолиятидаги сўнгги учрашувини мана шундай шармандалик билан якунлаган. Майдонда исталган гапни гапириш мумкин ва бу майдонни ўзида қолиши керак. Зидан майдонни қай аҳволда тарк этаётганини кўриш мен учун оғир бўлганди", - Каннаваронинг сўзларидан иқтибос келтирмоқда AS.
