Англиянинг «Манчестер Юнайтед» клуби собиқ ярим ҳимоячиси Пол Скоулз 2003 йили Роналдиньо «ПСЖ» клубидан Англияга кўчиб ўтмаганини ёдга олди.
— Мураббийимиз келишувга эришди деб ўйлагандим, — деди 45 ёшли англиялик собиқ ярим ҳимоячи Savage Social билан суҳбатда. — Биз мавсум бошланишидан аввалги турнега кетганди ва менимча, унинг трансферини эълон қилишга ва унга рақам беришга яқин эди. Лекин сўнгги дақиқаларда у фикрини ўзгартирди ва «Барселона»га йўл олди. Бу ғалати туйғу уйғотди, чунки, ҳаммамиз хурсанд эдик. Роналдиньо қандай футболчи эди-я! У жамоага Эрик Кантона берганчалик ёрдам бера олишига ишонгандик,"-деди Скоулз.
Роналдиньо «Барселона» таркибида 2003 йилдан 2008 йилгача фаолият олиб борди. У Каталонияда икки марта Испания чемпионлигини, ЕЧЛ ғолибилиги ва «Олтин тўпни» қўлга киритди.
Роналдиньонинг трансфери амалга ошмагач, 2003 йилнинг ёзида «МЮ» «Спортинг» клубидан Криштиану Роналдуни сотиб олганди.
