AS нашрининг тарқатган маълумотига қараганда, Испаниянинг "Валенсия" клуби ўз футболчиси Ферран Торрес билан янги шартнома тузиш борасида музокара олиб бориш ниятида.

20 ёшли ярим ҳимоячининг амалдаги шартномаси келаси йилнинг ёзида ўз якунига етади. Агар "кўршапалаклар" ўз футболчиси билан шартномани узайтириб борасида келишувга эриша олмаса, футболчини бир йилдан кейин текинга қўйиб юбормаслик учун, шу йилнинг ёзида сотиб юборишмоқчи.

Қайд этиш керакки, Торресга "Бавария", "Боруссия" (Д), "Манчестер Сити", "Ливерпуль", "Ювентус" клублари қизиқиш билдиришмоқда.

Шунингдек, Каталониянинг "Барселона" клуби ҳам қизиқаётганлиги ҳақида маълумотлар тарқалганди.