Франциянинг муддатидан олдин якунланган чемпионати натижалари 27 эмас, 28-тур натижаларига кўра қайд этилди. Бундан мақсад — "Лион"ни еврокубоклардан маҳрум қилиш, деб ёзмоқда La Parisien.
27-турдан сўнг "Лион" бешинчи ўринни эгаллади ва Европа Лигасига йўлланма олди, 28-тур натижаларига кўра эса клуб еттинчи ўринга тушиб кетди ва еврокубокларда қатнашиш имконидан айрилди. Манбага кўра, фақат "Aмьен", "Лилл" ва "Нант" клублари бу қарорга қарши чиқишган. Қолган клублар ушбу турнинг битта "ПСЖ" — Страсбург" учрашуви ўтказилмаганига қарамай, 28-тур натижалари бўйича жадвални тузишга рози бўлишган.
Таъкидланишича, бу қарорга "Лион" президенти Жан-Мишель Олас билан юзага келган зиддият сабаб бўлган. Хусусан, Олас Қатар мансабдорлари шакллантирган "ПСЖ" моделини танқид қилганди.
"Лига1"ни муддатидан олдин тугатиш қарори 30 апрель куни эълон қилинганди.
"Лион" 1997 йилдан бери биринчи марта Европа мусобақаларида қатнашмайди. Клуб Франция профессионал футбол лигасини судга бермоқчи.
