UFCнинг енгил вазн тоифасидаги чемпиони Ҳабиб Нурмагомедовнинг отаси ва мураббийи Абдулманап Нурмагомедов Москвадаги касалҳонада оғир аҳволда ётибди. Бу ҳақда UFC жангчиси Ислом Махачев хабар берди.
“Мен Ҳабиб билан ҳар куни мулоқот қиламан, ундан Абдулманап ҳақида сўраб тураман. Унинг айтишича, ҳозир унинг аҳволи оғир.
У Доғистонда бўлганида қўнғироқлашган эдик. Яқиндагина ҳаммаси жойида эканлигини айтишган эди. Аммо кейин уни Москвага олиб кетишди. Ҳозир оғир аҳволда », - дея Махачевнинг сўзларини келтиради Sport24.ru.
Аввалроқ, 57 ёшли Абдулманап Нурмагомедов 25 апрель куни икки томонлама пневмония билан касалхонага ётқизилгани хабар берилган эди.
Май ойи бошида у Доғистонда нотўғри даволанганлиги сабабли аҳволи ёмонлаша бошланди, у комага тушиб қолган ва уни махсус борт орқали Москвага жўнатишган.
"Абдулманапнинг аҳволи жуда ёмон, у Москвада комада. Уни Доғистонда нотўғри даволашган. Уни самолёт билан олиб кетишган ва ҳозир у Москвада ҳарбий касалхонада. У ёлғиз ўзи, қариндошларини у ерга қўймайдилар ", - деб ёзмоқда Sport24.ru
