«Милан» ҳужумчиси Златан Ибраҳимович 9 май куни Стокгольм шаҳри бўйлаб ўзининг "Ferrari Monza SP 2" автомобилини бошқариб, Швеция қонунчилигини бузди.

38 ёшли футболчи йўл ҳаракати қоидаларини бузмади, тезликни оширмади, шунга қарамай, у жарима тўлайди. Гап шундаки, у ўзининг янги машинасини давлат рўйхатидан ўтказмаган эди. Рўйхатдан ўтказишнинг сўнгги санаси эса 30 март якунланган эди. Шу боис, Златан "Ferrari"ни ҳайдаш ҳуқуқига эга эмас эди. У фақатгина энг яқин инспекция идорасигача етиб олиши мумкин эди.

Ибраҳимович нархи 1,5 миллион евро турадиган мазкур автомобилни 2019 йилнинг октябрь ойида ўзининг туғилган кунида харид қилган эди. Бундай машина бор-йўғи 500 дона ишлаб чиқарилган. "Ferrari Monza SP 2" автомобилининг максимал тезлиги  299,34 км/соатга тенг.

Эслатиб ўтамиз, Ибраҳимович карантин пайтида ўз юртига йўл олган эди. У 11 май куни Италияга қайтиб келди.