Туриннинг «Ювентус» клуби ҳимоячиси Жорджо Кьеллини Артуро Видал ҳақида фикр билдирди.
Кьеллини у ҳақида ўзининг автобиографиясида ёзган. Италияликнинг сўзларига қараганда, Видаль спиртли ичимликлар билан боғлиқ муаммога дуч келган.
«Футболчилар фаришта эмас. Лекин, шайтон ҳам эмас. Ҳақиқий ва соҳта нарсалар мавжуд, шунинг учун уларни ажратиб кўрсатиш керак.
Масалан, Видаль кутилганидан кўра кўпроқ кўнгилхушлик қилишни яхши кўради. Буни ҳамма яхши биларди. Алкогол унинг заиф томони эди. Бироқ, бу унинг чемпион бўлишига ёки инсонийлик фазилатларига салбий таъсир кўрсатмайди. Заифликлар инсон табиатининг бир қисмидир», - Кьеллинининг сўзларидан иқтибос келтирмоқда Италия матбуоти.
