Германиялик собиқ футболчи Маркус Баббель 2000 йили қандай қилиб "Ливерпуль" клубига ўтгани ҳақида сўзлаб берди.

«Бавария»даги ажойиб фаоллиятидан кейин Маркус Баббель «Ливерпуль» клубга эркин агент сифатида қўшилди. Ваҳоланки, уни ўз сафига қўшиб олиш учун «Манчестер Юнайтед» клуби ҳам тайёр турганди.

«Албатта, «Бавария» — бутун дунё билганидек буюк клуби, лекин мен ниманидир ўзгартириш кераклигини ҳис қилдим.

Ўша пайтда менга «Ливерпуль» ва «Манчестер Юнайтед» клубларидан таклифлар бор эди. Икки клуб билан ҳам музокара олиб борганман. «Ливерпуль» клуби тарафидан бўлаётган муносабат менга ёққанди ва шу сабабли, ўйланиб ўтирмасдан рози бўлганман.

Баббель «Ливерпуль» таркибида 3 мавсум ўйнади, тўртинчи мавсумда эса «Блэкберн» клубида ижара асосида ўйнади.