"Манчестер Юнайтед"нинг собиқ ҳужумчиси Уэйн Руни "қизил иблислар"нинг собиқ ярим ҳимоячилари Пак Жи Сунг ва Даррен Флетчернинг ўйини ҳақидаги фикрлари билан ўртоқлашди.

"Бу ақлсизлик, лекин агар сиз 12 ёшли болага Криштиану Роналду ҳақида гапирсангиз, "Ҳа, у "Манчестер Юнайтед"нинг ажойиб ўйинчиси эди", дейди. Бироқ агар сиз Парк Жи Сунгни эслатсангиз, унинг кимлигини билмасликлари мумкин. Аммо Пак билан бирга ўйнаганларнинг барчаси у бизнинг муваффақиятимиз учун жуда муҳим ўрин тутганлигини билади. Пак жамоамизга жуда кўп нарса берди.

"Манчестер Юнайтед"нинг энг йирик ўйинларини кўриб чиқинг. Пак, Флетчер ёки ҳатто иккаласи ҳам доимо иштирок этган. Улар биз учун жуда муҳим эди. Мен, Роналду, Тевес каби ўйинчилар ҳар доим сарлавҳаларда пайдо бўлганмиз, аммо Пак ва Флетчернинг ўрни бизникидан кам эмасди. Улар жуда кўп нарсани қурбон қилдилар. Уларнинг ҳақиқий индивидуал даражаси кўпинча эътибордан четда қолишини билардик.

Флетчер ва Пак бизнинг ривожланишимизда катта рол ўйнади. Фергюсон Миландаги ўйин олдидан нима деганини эслайман. У Пакка сўзма-сўз айтган: "Бугун сизнинг вазифангиз тўпга тегиш ёки пас бериш эмас. Сизнинг вазифангиз Пирлога эргашишдир". Ўша пайтда Андреа Пирло ҳар бир ўйинда ўртача 110тадан ассист берган бўлса, уларнинг 60-70таси ўта хавфли тус оларди.

Шунинг учун Фергюсон Пакка: «Унинг вазифасини бажаришига йўл қўймаслик керак. Бир сонияга кеч қололмайсиз", деганди. Пирло ўша ўйинда 40 та пасни зўрға амалга оширган ва уларнинг 95 фоизи қайтарилган, чунки Пак ўз вазифасини ажойиб тарзда бажарганди. Ҳамма ўша пайтда бу ишни уддалай олиш жуда қийинлигини тушунарди", деди Руни.