Испаниянинг Бильбао шаҳри раҳбарияти УЕФАга 2021 йили Европа чемпионатининг коронавирус пандемияси туфайли қолдирилган ўйинларини ўтказиш учун кафолат юборди. Бу ҳақда ТАСС хабар бермоқда.
"Барча кафолатлар давлат органлари томонидан тақдим этилган, шартномалар барча манфаатдорлар томонидан имзоланади. Айни пайтда Бильбао 2021 йилдаги учрашувларни қабул қилмаслик эҳтимоли жуда паст", - дейилади матбуот хизмати томонидан билдирилган баёнотда.
Европа чемпионати ўйинлари 12 та шаҳарда ўтказилади: Санкт-Петербург, Лондон, Мюнхен, Баку, Рим, Бухарест, Дублин, Копенгаген, Бильбао, Глазго, Будапешт ва Амстердам. Бильбао мусобақанинг тўртта учрашувини қабул қилиши керак - учта гуруҳ ўйинлари ва битта 1/8 финали ўйини.
