«Бавария» ярим ҳимоячиси Филиппе Коутиньонинг агенти Киа Журабчиан бразилиялик футболчининг келажаги борасида ўз фикрини билдириб ўтди.

«Ҳали қарор қабул қилинмади. Ушбу мавҳум даврда биз трансфер ёки келажак учун режаларни муҳокама қилмадик. Бундай қилмаймиз ҳам.

Филиппе Мюнхенда бахтли. Унга жамоа ёқади. Жамоадаги профессионализм юқори даражада. Ҳозирда унинг учун энг муҳими — тезроқ тикланиб олиб, «Бавария»га ёрдам бериш. Кейинчалик эса кўрамиз, вазият қандай ривожланар экан», – деди Журабчиан.

"Sport1" журналисти Флориан Плеттенберг тарқатган хабарга кўра, Коутиньо 3-4 ҳафтадан кейин майдонга қайтади. Футболчи ҳам, «Бавария» ҳам иккинчи ижарани расмийлаштиришни истамаяпти.

Мюнхенликлар Филиппенинг трансферини фақат сотиб олишлари мумкин. Барчаси «Барселона» талаб қиладиган суммага боғлиқ. «Бавария» бош мураббийи Ханс-Дитер Фликга бразилиялик футболчи керак.