Лондоннинг «Челси» клуби собиқ футболчиси Майкл Эссьен сал бўлмаса "Ливерпуль" клуби таркибида пайдо бўлишини тан олди.

«Франциянинг «Бастия» клубида ўйнаб юрган кезларим, менга жуда кўплаб таклифлар бўлганди. «Ливерпул»ни Жерар Улье бошқараётган пайтда улар билан шартнома тузишим мумкин эди. Ҳатто уларнинг спорт қароргоҳига борганман ва бош мураббий билан кўришганман. Кейин менга «ПСЖ», «Лион» ва «Марсель» клубларидан ҳам таклифлар бўлган. Лекин, мен «Бастия» раҳбарларига фаолиятимда ниманидир ўзгартириш ниятим йўқлигини айтганман.

Ҳодисаларни ўзгартиришга ҳожат йўқ эди ва мен Англия кўчиб ўтишни кейинроққа қолдиргандим. Шу сабабли, мен 2005 йили «Челси» клубига ўтдим, ўшанда "кўклар"ни Жозе Моуриньо бошқарарди», — деди Майкл Эссьен.