Мадриднинг "Атлетико" клуби Франциянинг "ПСЖ" ҳимоячиси Лайвин Курзава учун курашга қўшилди дея хабар бермоқда Marca.
Нашрнинг тарқатган маълумотига қараганда, "матрасчилар" ёзда ўзининг чап қанот ҳимоясини кучайтирмоқчи ва франциялик футболчини ушбу позицияга муносиб кўрмоқда.
27 ёшли ҳимоячи шу йилнинг июнь ойида эркин агентга айланади, шунинг учун мадридликлар уни текинга қўлга киритишга умид қилмоқда.
Қайд этиш керакки, "Атлетико" Курзавага тўққизинчи номзод саналади. Аввалроқ ҳимоячига "Ньюкасл", "Арсенал", "Манчестер Юнайтед", "Ливерпуль", "Ювентус", "Интер", "Милан" ва "Барселона" клублари ҳам қизиқиш билдиришганди.
