"Лацио" раҳбари Клаудио Лотито жамоа бош мураббийи Симоне Индзаги билан янги шартнома имзоламоқчи. Бу ҳақда Италия матбуоти хабар тарқатмоқда.
Манбанинг хабарига кўра, "бургутлар" раҳбарияти Индзаги янги 3 йиллик шартнома таклиф қилмоқда. Янги шартномага кўра, Симоне йилига 2,5 млн евро ишлаб топади.
Эслатиб ўтамиз, "Лацио" жорий мавсумни юқори даражада ўтказмоқда. Корона-танаффусгача бўлган вақтда клуб биринчи ўриндаги "Ювентус"дан 1 очко орта қолмоқда.