Mundo Deportivo нашрининг тарқатган маълумотига қараганда, Каталониянинг "Барселона" клуби "Интер" ҳужумчиси Лаутаро Мартинесни сотиб олиш ишлари қийин бўлиб кетганлиги сабабли, энди эътиборини Лондоннинг "Тоттенхэм" клуби ҳужумчиси Гарри Кейнга қаратди.

Хабарда айтилишича, Англия терма жамоаси сардорини "Барселона" жорий йилнинг ёзида сотиб олиш ниятида ва каталонияликлар футболчисини қўлга киритиш учун "Тоттенхэм" рахбари Даниэль Леви билан музокара олиб боришди.

Бироқ, Леви жамоанинг етакчи футболчисини сотишдан бош тортди ва исталган маблағга ҳам сотмаслигини билдирди.

Аввалроқ, Кейн Жозе Моуриньо бошчилигидаги жамоани тарк этишни шаъма қилиб ўтганди.