Испаниянинг «Валенсия» клуби ўз сафига янги футболчи қўшиб олиш мақсадида, жамоа дарвозабони Яспер Силлессенни сотиб юбормоқчи.

Яспер Силлессен «Валенсия»нинг асосий дарвозабони бўлиши керак эди. У ўзини кўрсатишга ҳаракат қилди, лекин олган турли хил жароҳатлари унинг ёрқин ўйин намойиш этишига йўл қўймади.

31 ёшли дарвозабоннинг трансфер нархи 15 миллион евро атрофида баҳоланмоқда. «Валенсия» ушбу дарвозабонни шу йилнинг ёзидаёқ сотиб юборишга тайёр. Унинг трансферидан тушадиган маблағга иккита марказий ҳимоячи сотиб олмоқчи.

Бундан ташқари, клуб раҳбарияти бир қатор кераксиз футболчиларни сотиб юбориш йўли орқали, битта ярим ҳимоячи ва бир ҳужумчи сотиб олишни режалаштирмоқда.

Яспер Силлессен жорий мавсум Ла Лигада 16 та учрашув ўтказди.

Ҳозирча Силлессенга харидор йўқ.