Ispaniyaning «Valensiya» klubi o‘z safiga yangi futbolchi qo‘shib olish maqsadida, jamoa darvozaboni Yasper Sillessenni sotib yubormoqchi.

Yasper Sillessen «Valensiya»ning asosiy darvozaboni bo‘lishi kerak edi. U o‘zini ko‘rsatishga harakat qildi, lekin olgan turli xil jarohatlari uning yorqin o‘yin namoyish etishiga yo‘l qo‘ymadi.

31 yoshli darvozabonning transfer narxi 15 million yevro atrofida baholanmoqda. «Valensiya» ushbu darvozabonni shu yilning yozidayoq sotib yuborishga tayyor. Uning transferidan tushadigan mablag‘ga ikkita markaziy himoyachi sotib olmoqchi.

Bundan tashqari, klub rahbariyati bir qator keraksiz futbolchilarni sotib yuborish yo‘li orqali, bitta yarim himoyachi va bir hujumchi sotib olishni rejalashtirmoqda.

Yasper Sillessen joriy mavsum La Ligada 16 ta uchrashuv o‘tkazdi.

Hozircha Sillessenga xaridor yo‘q.