Франциянинг «Пари Сен-Жермен» ва Мадриднинг «Реал» клублари Дортмунднинг «Боруссия» клуби ҳужумчиси Эрлинг Холанд учун кураш олиб боради.
«Реал» клуби узоқ вақтдан бери «ПСЖ» ҳужумчиси Килиан Мбаппега қизиқиш билдириб келмоқда. Лекин олиб борилган музокаралар самара бермади. Энди ушбу клублари Эрлинг Холанд борасида яна кураш олиб боришмоқчи.
Эҳтимол, «Реал» атайин Эрлингнинг трансфери учун курашга қўшилган. «Қаймоқранглилар» «ПСЖ» ушбу ҳужумчига жиддий қизиқиш билдираётганини билишади, шунинг учун ушбу рақобатда уларга босим уюштирмоқчи. Агар «ПСЖ» Мбаппени «Реал»га сотишга рози бўлса, у ҳолда мадридликлар Холанд учун пойгадан чиқади.
Ҳозирча Эрлинг Холанд «Боруссия» клубини келаётган трансфер бозорида тарк этиш ниятида эканлигини айтмади. Ваҳоланки, у Бундеслигада қолиш ниятида эканлигини бир неча маротаба айтиб ўтди.
