"Барселона" клуби собиқ футболчиси Луис Суарес Мирамонтес "Интер" ҳужумчиси Лаутаро Мартинеснинг "кўк-анорранглилар" сафига ўтиши мумкинлиги ҳақидаги хабарларга ўз муносабатини билдирди.

"Мен Лаутаро Мартинеснинг ўрнида бўлганимда, бошқа клубга ўтишга шошилмаган бўлардим. У осон бўлмаган қарор қабул қилиши керак: "Интер"да қолиши керакми ёки йўқ. Агар унга шахсан Мессининг ўзи қўнғироқ қилган бўлса, унда қарор қабул қилиш осон бўлади. Шунга қарамай, биз ёш йигит ҳақида гаплашяпмиз, унинг келажаги ҳали олдинда. Мен Лаутарога маслаҳат бермоқчиман — "Интер"да қолишинг керак. Табиийки, Каталонияда унга осон бўлмайди", — деди собиқ футболчи.

Мартинес ушбу мавсумда 31та ўйинда майдонга тушиб, 16та гол урди ва 4та голга узатма берди. Лаутаронинг "нерадзурри" билан шартномаси 2023 йилнинг 30 июнига қадар тузилган.