Олдинроқ аргентиналик мутахассис Маурисио Почеттино ҳамда "Ньюкасл"нинг янги раҳбарлари ўзаро келишиб олгани ҳақида хабар берган эдик.
Хабарларга кўра, Почеттино аллақачон "Ньюкасл"ни орзусидаги жамоага айлантириш ҳаракатини бошлаб юборди. У клубга "Тоттенхэм" ҳужумчиси Харри Кейнни олиб келмоқчи. Англиялик ҳужумчи агар "шпорлар" совринлар учун ҳаракат қилмаса, жамоадан кетишини айтиб ўтганди.
Борди-ю Почеттино Кейнни шимолга олиб келолса, бу "Тоттенхэм" президенти Даниэль Леви учун муносиб жавоб бўлади, боиси Леви жорий мавсум бошланганидан бир неча ой кейин Почеттинони бўшатганди.
