ФИФАнинг собиқ президенти Йозеф Блаттер ташкилотнинг амалдаги раҳбарияти Жанни Инфантинони кескин танқид остига олди.
- Афтидан, Жанни Инфантино президентлик йўлини тозаламоқчи. У футболни улкан пул машинасига айлантирмоқчи. У ҳамма нарса катта бўлишини хоҳлайди. ЖЧдаги иштирокчиларнинг сонини 48 тага етказиш учун ўйлаб топилган "Goal" лойиҳаси номини ўзгартирди, чунки, у уч баравар катта пул ишлаб топишни хоҳлайди. Клублар ўртасидаги Жаҳон чемпионати иштирокчилари сонини 24 тага, аёллар ўртасидаги жаҳон чемпионатидаги қатнашчилар сонини 24 тадан 32 тага етказмоқчи. Буни амалга ошириш мумкин эмас. У ўзи билан ўза ўйнамоқда, чунки у ўзига ишонмоқда. У ўзининг такаббурлиги учун ассоциация президентлари билан эмас, мамлакат раҳбарлари билан гаплашмоқда, — Блаттернинг сўзларидан иқтибос келтирмоқда Keystone-SDA.