Ҳуқуқий жиҳатдан Мадриднинг "Реал" клубига тегишли бўлган, айни пайтда фаолиятини «Реал Сосьедад» клубида ижара асосида давом эттираётган Мартин Эдегор ҳозирги жамоасининг мақсадлари ҳақида фикр билдирди.

«Биз уйда ва кичик гуруҳлдарда машғулотларни яхши олиб бордик, энди ўйин амалиётини йўлга қўйиб олишимиз керак.

"Реал Сосьедад" ЕЧЛ учун бериладиган йўлланма учун кураш олиб бориши керак, биз шуни хоҳлаймиз. «Реал» ёки «Барселона»лар билан кураш олиб бориш қийин бўлади, аммо, қолган клублар билан ўйлайманки, кураш олиб боришга қодирмиз. ЕЧЛда ўйнаш – орзу ва айнан келаси йили шу орзуни амалга оширмоқчимиз.

Мухлислар биз учун жуда муҳим ва улар бизни доим қўллаб-қувватлашади. Ўз майдонимизда ўйнаш доим ёқимли, аммо, улар учун ғалаба қозонишдан бошқа ҳеч нарса қила олмаймиз», – деди Эдегор Cope билан суҳбатда.