Ушбу рукнимиздаги энг сўнгги янгиликлар билан таништиришда давом этамиз.
“Арсенал”га ҳимоячи керак
Лондоннинг “Арсенал” жамоаси ёзда ўз сафига “Лилль” клуби Габриелни қўшиб олишни режа қилмоқда.
Таниқли “L’equipre” нашрининг маълум қилишича, “конинирлар” Давид Луизни трансферга қўйиш орқали, Габри’л учун асосий таркибдан жой тақдим этмоқчи.
Эслатиб ўтамиз, ҳимоячи билан шахсан Микел Артетанинг ўзи қизиқиб қолган бўлиб, “Арсенал” бу трансферни амалга оширишга тайёргарликни бошлаб юборган.
“Манчестер Юнайтед”га ҳам ҳимоячи керак
Англиянинг “Манчестер Юнайтед” жамоаси Калиду Кулибали трансферидан воз кечади.
Британия нашрларинг маълум қилишича, “қизил иблислар” бюджеддан тежаб қолиш мақсадида унинг ўрнини “Суонси” ҳимоячиси Жо Гордонни сотиб олишни режа қилмоқда.
22 ёшли уелс терма жамоаси аъзоси учун Манчестер шаҳри вакиллари 20 миллион евро таклиф қилишни режа қилмоқда.
Рафиньа кетмоқчи
Айни дамда ижара асосида “Селта”да тўп тепаётган Рафиньанинг ўйинларидан клуб тўлиқ қониқиш ҳосил қилмоқда ва унинг трансферини 16 миллион евро эвазига сотиб олишни режалаштирмоқда.
“MundoDeportivo”нинг маълум қилишича, футболчининг ўзи “Келт”лар сафида қолишни истамаяпти. У мавсум сўнггида АПЛ ёки Италия клубларидан бирида ўз кучини синаб кўрмоқчи.
Эслатиб ўтамиз, ярим ҳимоячи ушбу мавсумда 19 бор майдонга тушди ва иккита гол киритди.
“Интер” уларни қўйиб юбормоқчи
Миланнинг “Интер” жамоаси маошлардан тежаб қолиш мақсадида ёзда иккита футболчини трансферга қўйиши маълум бўлди.
“Tuttosport”нинг маълум қилишича, “кўк-қора”лар билан Весино ва Борха Велеро хайрлашишга тайёр.
Манбанинг маълум қилишича, кетган футболчиларнинг ўрнини жамоа Наинголланни ортга қайтариш ва Сандро Тоналининг трансфери орқали тўлдирмоқчи.
“Юве” ва “Монако” кураш бошлади
Мадриднинг “Атлетико” жамоаси ҳимоячиси Стефан Савич учун кураш авжига чиқмоқда.
“MundoDeportivo”нинг маълум қилишича, чернагориялик ҳимоячи Диего Симионенинг келажакдаги режаларида йўқлиги боис, “матрасчилар” уни ёзда сотиб юборишларини расман маълум қилган.
Айни дамда, унинг ҳизматлари билан “Монако” ва “Ювентус” жиддий қизиқиш билдирмоқда. Ҳозирча, ҳимоячининг агенти расман маълумот бермаган бўлсада, Савичнинг Туринга кўчиб ўтиши тобора ҳақиқатга яқинлашиб бормоқда.
