«Барселона» ҳужумчиси Лионель Месси жамоанинг сўнгги машғулотида иштирок этмади. Бу ҳақда "Mundo Deportivo" хабар тарқатди.
Манбага кўра, аргентиналик футболчининг машғулотда иштирок этмагани жароҳат билан боғлиқ эмас. Ҳужумчи индивидуал дастур асосида шуғулланди. Унинг жисмоний ҳолати жойида. Месси режа асосида мавсумга тайёргарликни давом эттирмоқда.
Жароҳатдан фориғ бўлган Самуэль Умтити ва Ансу Фати умумий гуруҳ машғулотларида иштирок этишди. Шунингдек, асосий таркиб билан Иньяки Пенья, Араужо, Рики Пуч, Алекс Кольяд, Чуми, Хорхе Куэнка ва Кике Саверио каби ёш футболчилар билан шуғулланишди.